Azərbaycan, Bakı, 17 mart / Trend , müxbir Ü.İsmayılova /
2008-ci ilin dördüncü rübündə Azərbaycanda yaşayış binalarının tikintisi üzrə qiymət indeksi 2007-ci ilin analoji dövr göstəricisinə nisbətdə 24,5 faiz, 2008-ci ilin üçüncü rübünə nisbətdə isə 0,9 faiz artıb. Bu barədə çərşənbə axşamı Dövlət Statistika Komitəsindən məlumat verilib.
İl ərzində beş mərtəbəyədək yaşayış binalarının tikintisi üzrə qiymət indeksi 23,5 faiz, altı və daha artıq binaların tikintisi üzrə isə 26,5 faiz artıb.
Bu dövr ərzində tikinti-montaj işlərinin qiymət indeksi 0,7 faiz (beş mərtəbəyədək binalar üzrə 6,8 faiz, altı və daha artıq mərtəbəli binalar üzrə 9 faiz) artıb.
İl ərzində yaşayış binalarında tamamlama işlərinin qiymət indeksi beş faiz (beş mərtəbəyədək binalar üzrə 5,1 faiz, altın və artıq binalar üzrə isə 5,1 faiz) artıb.
Məqalə müəllifi ilə əlaqə ünvanı - [email protected]
