Azərbaycan, Bakı, 17 iyun / Trend , müxbir Ü.İsmayılova /
Azərbaycanda birinci rübdə yaşayış binalarında tikinti işlərinin qiymət indeksi 2008-ci ilin dördüncü rübünə nisbətdə 0,3, ötən ilin analoji dövrünə nisbətdə isə 4,3 faiz azalıb. Bu barədə çərşənbə günü Dövlət Statistika Komitəsindən bildirilib.
Yaşayış binalarının qiymət indeksi həmin dövrə nisbətdə 0,3 faiz (ötən ilin analoji dövrünə nisbətdə üç faiz) azalıb. Eyni zamanda beşmərtəbəli yaşayış binalarının qiymət indeksi il ərzində 0,3 faiz (2,7 faiz), altı və daha çox mərtəbəli binaların qiymət indeksi isə 0,3 (üç faiz) azalıb.
Sosial əhəmiyyətli binaların tikinti işlərinin qiymət indeksi 0,3 faiz (3,3 faiz), inzibati binaların 0,2 faiz (üç faiz), ümumitəhsil məktəb binalarının tikintisi isə 0,3 faiz (3,8 faiz) azalıb.
Yolların salınması işləri üzrə qiymət indeksi beş faiz azalıb. Bu göstərici ötən ilin analoji dövrünə nisbətdə isə 16,2 faiz artıb.
Məqalə müəllifi ilə əlaqə ünvanı: [email protected]
