Azərbaycan, Bakı, 04 avqust / Trend , müxbir N.İsmayılova /
Cari ilni birinci yarısının yekununa görə, Azərbaycanda ÜDM-in artımı keçən ilin müvafiq dövrü ilə müqayisədə, ümumilikdə MDB ölkələri üzrə doqquz faizlik enişə qarşı 3,6 faiz təşkil edib. Bu barədə MDB Statistika Komitəsinin 2009-cu ilin birinci yarısı ərzində birlik ölkələrinin statistik məlumatlarını əks etdirən hesabatında deyilir.
Ölkədə sənaye məhsullarının istehsalı MDB ölkələri üzrə 15 faiz ümumi azalma ilə il ərzində bir faiz artıb.
Pərakəndə mal dövriyyəsi regionda 4 faizlik ümumi azalma ilə 8,5 faiz artıb. Əhalinin istehlak məhsullarına və xidmətlərinə pul xərci ölkə üzrə 14,2 faiz, pul gəliri isə 16,2 faiz artıb.
Məqalə müəllifi ilə əlaqə ünvanı: [email protected]
