Azərbaycan, Bakı, 02 sentyabr / Trend , müxbir İ.Xəlilova /
Azərbaycanın böyük özəl banklarından biri Texnika Bank ASC səkkiz ayın yekunlarına əsasən, aktivlərin həcmi üzrə üçüncü yeri saxlaya bilib. Avqustun 31-nə bankın aktivləri ilin əvvəlinə kimi 25 faiz artaraq 458,35 milyon manat təşkil edib, çərşənbə günü bankın İdarə Heyətinin sədri Samir Hüseynov bildirib.
"Bankın büdcə proqnozlarının hər rüb üzrə korrektə edilməsinə baxmayaraq, onların 10 faiz artım ilə yerinə yetirilməsinə nail ola bilmişik", - Hüseynov bildirib.
Bankın kredit portfeli yanvar-avqust ayına 8,5 faiz artaraq 345 milyon manata çatıb. Texnika Bank-ın depozit portfeli ilin əvvəlinə 174 milyondan 180 ,5 milyon manata kimi artıb. Bu zaman səkkiz ay ərzində fiziki şəxslərin əmanətləri səkkiz ay ərzində 2,7 faiz artaraq 94,5 milyon manata, hüquqi şəxslərin depozitləri isə 4,9 faiz artaraq 86 milyon manata çatıb.
"Hüquqi şəxslərin depozit strukturunda 25 milyon manata çatan təcili depozitlərin üç dəfə artımının müşahidə edilməsi diqqətəlayiq amildir, qalan 60,478 milyon manatı isə müştərilərin hesabındakı qalıqlar təşkil edir", - Hüseynov bildirib.
Onun sözlərinə əsasən, depozit bazasının artması böyük şirkətlərin böhranın təsirindən qurtulmasının göstəricisidir və onların vəziyyətinin yaxşılaşması bank hesabında qalıqlarının artmasına təsir edir.
"Qlobal maliyyə böhranı Azərbaycan iqtisadiyyatına cüzi təsir etdi, buna görə də Azərbaycan şirkətlərinin maliyyə vəziyyəti qısa zaman ərzində stabilləşəcək", - bankın başçısı bildirib.
Səkkiz ay ərzində Texnika Bank öz mənfəətliliyini saxlayıb, avqustun 31-nə bankın mədaxili 9,5 milyon manat təşkil edir. Bank, mədaxilinin həcminə görə ölkədə fəaliyyət göstərən banklar arasında ikinci yeri tutur.
"Mədaxilin artması bankın kapitallaşmasına imkan verir, ötən ilin mədaxilinin bölüşdürülməsi nəticəsində hesabat dövrü ərzində nizamnamə kapitalı 26,9 milyon manatdan 41,712 milyon manata kimi artırılıb", - Hüseynov bildirib.
Bankın məcmu kapitalı nizamnamə fondunun artırılmasına kimi olan 64 milyon manata nisbətdə 71,7 milyon manat təşkil edib.
"2009-cu ildən kapitallaşmaya yönələn mədaxilin vergidən azad edilməsi bizə gələcəkdə də bankın kapitallaşmasında ondan istifadə etməyə imkan verir", - Hüseynov bildirib.
1993-cü ildə yaradılmış Texnikabank ASC bank aktivlərinin həcminə görə Azərbaycanda 3-cü ən böyük bank olaraq ölkə iqtisadiyyatının daha da gücləndirilməsi naminə Avropa standartlarına uyğun bank xidmətləri göstərir. 592 nəfərdən ibarət peşəkar işçi heyəti ilə fəaliyyət göstərən Texnikabank ASC 35 filialı ilə ölkəni əhatə edir. Bankın kredit siyasəti ölkə ərazisində sahibkarlığın inkişaf etdirilməsi və yeni iş yerlərinin yaranmasına təkan verən layihələrin maliyyələşməsinə yönəlib.
Sentyabrın 2-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]