Azərbaycan, Bakı, 10 sentybar / Trend , müxbir Ü.İsmayılova /
Azərbaycan Turizm Şirkətləri Assosiasiyası (ATŞA) ölkə bazarında ən fəal şirkətləri üzvlüyə cəlb etməyi davam etdirir. Bu barədə cümə axşamı assosiasiyanın İdarə Heyətinin sədri, "Xəzər Travel" turzim agentliyinin direktoru Nahid Bağırov bildirib.
"Hazırda assosiasiyanın üzvləri bazarın ən fəal 45 şirkətidir", - Bağırov bildirib.
Onun sözlərinə görə, assosiasiya həmçinin bir sıra digər şirkətlərin üzvlüyə qəbul edilməsi ilə bağlı təklifləri nəzərdən keçirir.
"Biz assosiasiya sıralarına bütün şirkətləri qəbul etmirik, yalnız turizm sahəsində yüksək keyfiyyətli xidmət göstərən və dələduzluqla məşğul olmayan şirkətləri qəbul edirik", - Bağırov bildirib.
Hazırda Azərbaycanda 240-dan çox turizm şirkəti qeydiyyatdan keçib ki, onlardan 100-ü fəal şirkətlərdir və yalnız 40-50-si yüksək keyfiyyətli xidmət göstərir.
Azərbaycanın Turizm Şirkətləri Assosiasiyası 2009-cu ilin yanvar ayında Mədəniyyət və Turizm Nazirliyinin yardımı ilə yaradılıb. İdarə Heyətinin üzvləri sırasına Improtex Travel, Caspian Travel, Pasha Travel, Silkway Travel və Euroturizm şirkətlərinin rəhbərləri daxildir.
Assosiasiyanın əsas fəaliyyət istiqamətləri turizm şirkətlərinin maraqlarının qorunması, qanun layihələrinin, tövsiyələrin və əsasnamələrin hazırlanması, milli turizm şirkətinin yaradılmasına yardım, bazar iştirakçıları üçün təlim və seminarların keçirilməsi planının hazırlanması, potensial reklam və Azərbaycan turizminin illik beynəlxalq sərgilərdə təşviqatı üçün şəraitin yaradılması, daxili turizmin inkişafı və beynəlxalq bazara turizm məhsullarının təqdim edilməsidir.
Bununla yanaşı, assosiasiyanın vəzifələrinə konqres turizmin inkişafı və təbiqi, idarəetmə və xidmət sahələrində peşəkar kadrların hazırlanmasına yardım göstərilməsi, adekvat verginin yaradılması və turizm sahəsinin normativ tənzimlənməsi, standartlaşdırma, sertifikasiya və lisenziyalaşdırmanın inkişafına yardım göstərilməsi, beynəlxalq turizm şirkətləri ilə səmərəli əməkdaşlıq və rəsmi mətbuat orqanının yaradılması daxildir. ATŞA, həmçinin dövlət və ictimai təşkilatlarda normativ-hüquqi bazanın inkişafı çərçivəsində hüquqi konsultasiyalar, turizm şirkətlərinin hüquqlarının müdafiəsi sahəsində xidmətlərin hazırlanmasına da yardım edir.
Məqalə müəllifi ilə əlaqə ünvanı: [email protected]