Azərbaycan, Bakı, 19 noyabr / Trend , müxbir Ü.İsmayılova/
Azərbaycanın Azergarant sığorta şirkəti regional filiallarının potensialının genişləndirilməsi üzrə işlər həyata keçirir, bu barədə cümə axşamı şirkətin İdarə Heyətinin sədr müavini Şükür Hüseynov bildirib.
"Hazırda şirkət Quba filialında sığorta xidmətlərin spektrinin genişləndirilməsi üzrə işləri fəallaşdırıb", - Hüseynov bildirib.
Onun sözlərinə əsasən, əvvəlcə şirkət bu filial vasitəsilə avtomobil nəqliyyatlarının icbari sığortası üzrə xidmət təklif edirdi, hazırda əmlakın icbarı sığortası, yanğın sığortası, həmçinin avtomobillərin könüllü sığortası üzrə sığorta polislərinin satışına dair işlər görülür.
Hüseynov həmçinin bildirib ki, hazırda şirkətin daha iki filialı Gəncə və Zaqatala şəhərlərində fəaliyyət göstərir, Quba filialının potensialının genişləndirilməsi üzrə işlərin görülməsindən sonra sözügedən filiallarda da işlər görüləcək.
Azərgarant sığorta şirkəti Azərbaycan bazarında 1993-cü ildən fəaliyyət göstərir. Şirkətin yığımları 2009-cu ilin yanvar-sentyabr aylarında 0,39 milyon manat, ödəmələri isə 0,07 milyon manat təşkil edib.
Noyabrın 9-na olan rəsmi məzənnə 0,8027 AZN/USD təşkil edir.
Məqalə müəllifi ilə əlaqə ünvanı: [email protected]
