Azərbaycan, Bakı, 23 iyun /Trend, müxbir N.İsmayılova/
Azərbaycan Mərkəzi Bankının 2009-cu ilin yekunları üzrə maliyyə hesablamalarının auditini aparan "Ernst & Young" beynəlxalq auditor şirkətinin nəticələrinə əsasən, AMB-nin ötən il üzrə xalis gəliri 62,536 milyon manat təşkil edib. Bu barədə bankın 2009-cu il üzrə maliyyə hesabatında deyilir.
2008-ci ildə AMB-nin təmiz itkisi 331,302 milyon manat olub.
2009-cu ildə bankın faiz gəlirləri 105,838 milyon manat olub. Bu göstərici 2008-ci ildə 142,523 milyon manat təşkil edib. Mərkəzi Bankın faiz xərcləri 1,727 milyon manat təşkil edib ki, bu da ötən il 13,416 milyon manat olub.
Bununla da bankın xalis faiz gəlirləri 104,111 milyon manat olub ki, bu da 2008-ci ildə 129,107 milyon manat təşkil edib. Yenidənqiymətləndirmədən sonra xalis faiz gəlirləri 96,039 milyon manat təşkil edib ki, bu da bir il bundan əvvəl 110,676 milyon manat olub.
Faizsiz xalis gəlirlər 8,637 milyon manat, 2008-ci ildə olan itkilər isə 384,476 milyon manat təşkil edib.
