Azərbaycan, Bakı, 18 avqust/Trend, müxbir A.Axundov/
Azərbaycanın sığorta şirkəti "Paşa Sığorta" ASC 2010-cu ildə sığorta yığımlarının ötən il səviyyəsində qalacağını gözləyir. Bu barədə çərşənbə günü şirkətin idarə heyətinin sədri Nofəl Rzayev deyib.
"Sığorta haqlarının yığımı üzrə proqnoz 2009-cu ildə olduğu kimidir. Biz artımı proqnozlaşdırmamışıq və haqların 10,5 milyon manat səviyyəsində yığılacağı gözlənilir ki, bunun da ötən ilki sığorta növləri sayəsində təmin ediləcəyi gözlənilir", - Rzayev qeyd edib.
Onun fikrincə, cari ildə ümumilikdə Azərbaycanın sığorta bazarında müəyyən artımı potensial şəkildə gözləmək mümkündür.
"Cari ilin birinci yarısının yekunlarına görə, azalma müşahidə edilməkdədir. Gözlənilir ki, ilin ikinci yarısında, xüsusən də Prezident İlham Əliyev tərəfindən təsdiqlənmiş "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" Qanunun tətbiq ediləcəyi, bank sektorunun fəallaşacağı təqdirdə, ötən illə müqayisədə müəyyən artımı potensial şəkildə gözləmək mümkündür", - Rzayev qeyd edib.
Ölkədə fəaliyyət göstərən 28 şirkətin hamısının sığorta haqlarının həcmi ilin birinci yarısının yekunlarına görə 76,88 milyon manat təşkil edib, hesabat dövründə ödənişlər 22,49 milyon manat məbləğində həyata keçirilib. İl ərzində sığorta haqlarının ümumi həcmi 3,77 faiz (79,89 milyon manat), ödənişlər isə 8,43 faiz (24,56 milyon manat) azalıb.
Paşa Holdinq-in tərkibində fəaliyyət göstərən Paşa Sığorta korporativ və fərdi müştərilərə 30 sığorta növü üzrə xidmət göstərir. Kapitallaşma göstəricilərinə görə Paşa Sığorta 9 milyon manat nizamnamə kapitalı və 18,5 milyon manat cari məcmu aktivlə ölkənin aparıcı sığortaçılarının ilk beşliyinə daxildır. 2007-ci ildən Paşa Sığorta Şirkətinin idarəetmə sistemi ISO 9001: 2000 beynəlxalq idarəetmə standartı üzrə Britaniyanın Moody agentlyi tərəfindən sertifikatlaşdırılıb. 2009-cu ildən Paşa Sığorta insan haqlarının müdafiəsi, ətraf mühitin mühafizəsi və korrupsiya əleyhinə mübarizə üzrə BMT-nin Qlobal Saziş təşəbbüsünün (UN Global Compact Initiative) iştirakçısıdır.
Paşa Sığorta-nın sığorta hadisələri üzrə birinci yarımillikdə həyata keçirdiyi ödənişlər 0,9 milyon manat təşkil edib. Sığorta hadisələri üzrə əsas ödəniş istiqamətləri avtomobil sığortası, tibbi sığorta, əmlak sığortası, həyat və bədbəxt hadisələrdən sığorta növləri olub.
Avqustun 18-nə rəsmi məzənnə 0,8038 AZN/USD təşkil edir