Gürcüstan, Tbilisi, 28 sentyabr /Trend, müxbir N.Kirsxaliya/
Sentyabrın 29-da Türkiyədə Qara dəniz Atlantik Şurasının iqtisadi və enerji forumu keçiriləcək. Gürcüstan hökumətinin mətbuat xidmətindən Trend-ə verilən məlumata görə, forumda ölkəni Baş nazir Nika Qilaurinin başçılığı ilə nümayəndə heyəti təmsil edəcək.
Səfər çərçivəsində Qilauri Türkiyənin Baş naziri Rəcəb Tayyib Ərdoğanla görüşəcək.
Çərşənbə günü türkiyəli iş adamları ilə görüş də nəzərdə tutulub. Görüşdə iki ölkə arasında ticari və iqtisadi münasibətlərin genişləndirilməsi məsələlərinə baxılacaq.
