Azərbaycan, Bakı, 20 oktyabr /Trend, müxbir N.İsmayılova/
İlin əvvəlindən Azərbaycanda auditor fəaliyyəti göstərmək üçün üç yeni şirkətə xüsusi icazə verilib. Bu barədə ölkənin Auditorlar Palatasının prezidenti Vahid Novruzov məlumat verib.
"İlin əvvəlindən beş şirkətə xüsusi icazə verilib. Onlardan üçü yeni şirkətlərə təqdim olunub", - Novruzov deyib.
Onun sözlərinə görə, həmin şirkətlər arasında Azərbaycanda nümayəndəlik açmaq niyyətini ifadə edən BDO auditor şirkəti də var. Şirkətə lazım olan bütün sənədlər təqdim olunub.
"Belə iri şirkətin Azərbaycan bazarına çıxışı nəhəng beynəlxalq şirkətlərin ölkəyə marağının artmasından xəbər verir", - o bildirib.
"BDO Network" şirkəti dünyada məcmu nədaxillərin həcminə görə müstəqil auditor və məsləhət şirkətlərinin beşinci beynəlxalq şəbəkəsidir. Onun dünyanın 115 ölkəsində 46 000-dan artıq əməkdaşı var. 2010-cu ildə iştirakçı firmaların vahid BDO brendi altında birləşməsi prosesi başa çatıb.
2010-cu ilin əvvəlinə olan vəziyyətə görə, Azərbaycanda 50 hüquqi (48 yerli, iki xarici şirkət və nümayəndəliyin filialı), eləcə də 44 müstəqil auditor fəaliyyət göstərir.