Azərbaycan, Bakı, 30 noyabr /Trend, müxbir N.İsmayılova/
"Moody's Investors Service" Beynəlxalq Reytinq Agentliyi ilk dəfə olaraq Azərbaycan bankı "Bank of Baku"nu E + maliyyə davamlılığı reytinqinə, xarici və yerli valyutada uzun və qısamüddətli depozitlər reytinqi B2-yə və uzunmüddətli stabil proqnozlu "Not-Prime"a layiq görüb. Bu barədə çərşənbə axşamı agentliyin məlumatında deyilir.
Məlumata əsasən, "Bank of Baku"nun reytinqi bankın yüksək artımını və "ekspress-kredit" adlandırılan pərakəndə kredit bazarının riskli seqmentinə yönəldiyini əks etdirir.
"Moody's" onu da qeyd edir ki, bankın reytinqləri onun kredit portfelinin yüksək detallılığı və resurs bazası, qaneedici maliyyə təməli, o cümlədən aktivlərin keyfiyyəti, onların likvidliyi və gəlirliliyi, eləcə də gözlənilən kredit itkilərinin ödənilməsi üçün kifayət qədər olan kapitallaşma ilə dəstəklənir.
"Moody's"in məlumatına görə, "Bank of Baku"nun davamlı etibarı və qaneedici maliyyə göstəriciləri ilə yanaşı, franşizlərin yaxşılaşdırılması da reytinqə müsbət təsir göstərə bilər.
"Bankın reytinqləri stress vəziyyətlərdə səhmdarların dəstəyinin mümkünlüyünü nəzərə almır. Halbuki bankın səhmdarlarının dəstəyi istisna edilə bilməz, onun miqyası və vaxtlı-vaxtında olması qeyri-müəyyəndir", - agentliyin ekspertləri belə fikirləşir.
"Bank of Baku"nun məcmu aktivləri 2009-cu ilin sonuna 227,6 milyon dollar, kapitalı 40,9 milyon dollar, xalsi gəliri isə 7,6 milyon dollar təşkil edib.
Fəaliyyətdə olan "Bank of Baku" 2005-ci ilin yanvarında iki yerli bank "Bank of Baku" və İlkBank"ın birləşməsi nəticəsində yaradılıb.