Azərbaycan, Bakı, 18 dekabr /Trend, müxbir N.İsmayılova/
İsveçrənin İqtisadi Məsələlər üzrə Dövlət Katibliyi (SECO) Azərbaycanın Mərkəzi Bankı (AMB) ilə texniki yardım göstərilməsi və təlimlərin keçirilməsi (Technical assistance and training project) layihəsi çərçivəsində əməkdaşlığı uzatmaq fikrindədir. Bu barədə şənbə günü SECO-nun Azərbaycandakı nümayəndəsi Filip Keller bildirib.
"Layihənin cari fazası gələn ilin yayında başa çatacaq, lakin biz ikinci fazanın reallaşdırılmasına başlamağı planlaşdırırıq və bu layihə çərçivəsində AMB ilə əməkdaşlığı davam etdirmək niyyətindəyik", - Keller deyib.
Onun sözlərinə görə, SECO bu layihənin reallaşdırılması çərçivəsində İsveçrə Universiteti ilə fəal əməkdaşlıq edir, ikinci faza üzrə isə bu universitetlə əməkdaşlığı ya uzatmaq, ya da yeni tərəfdaş cəlb etmək niyyətindədir.
Layihənin beş il müddətinə həyata keçirilməsi planlaşdırılıb.
