Azərbaycan, Bakı, 12 yanvar /Trend, müxbir Ü.İsmayılova/
Azərbaycan Dövlət Sosial Müdafiə Fondu icbari sosial sığorta üzrə vaxtında ödəniş etməyən böyük müəssisələrin hesablarına sərəncam qoyub. Bu barədə çərşənbə günü Dövlət Sosial Müdafiə Fondunun rəhbəri Səlim Müslümov deyib. Bu müəssisələr İri sığortaedənlərlə iş üzrə departamentində uçotdadır və bu dövlət müəssisələrinin 40 faizi DSMF-yə borcludurlar.
"Bu sanksiyalar nəticəsində iri ödəyicilər tərəfindən icbari sosial sığorta üzrə ödənişlər 12,8 faiz və ya 80 milyon manat artıb", - Müslümov qeyd edib.
Onun sözlərinə görə, bütün yaranan borclar 2003-cü ildən yığılıb qalıb, iri müəssisələrin bu günə cari borcları yoxdur. Əksər iri ödəyicilər artıq borclarının çox hissəsini ödəyiblər, çoxları isə hətta borclarını tam ödəyiblər.
"Azərbaycan Dəmir Yolları" borcunu tam ödəyib, "AZAL" QSC-nin tədricən ödənilən 2-3 milyon manat məbləğində borcu qalıb. ARDNŞ-nin balansına verilən "Azəriqaz" və "Azərikimya" dövlət müəssisələri də borclarını ödəyiblər. "Azərsu" SC-nin borcu qalıb, lakin icbari sosial sığorta üzrə köçürülən vəsaitlərin ödənişində irəliləyişi olmayan dövlət müəssisələri də var. Müdafiə Sənayesi Nazirliyinin son 2-3 ildə 8 milyon manat məbləğində borcu yığılıb.
Özəl sektora toxunan Sosial Fondun rəhbəri deyib ki, bu sektorda cari ödənişlər üzrə borclar yaranmır. Əvvəllər özəlləşdirilən müəssisələrin borcu var və bu məsələ məhkəmə instansiyaları vasitəsilə həll edilir. "Məhkəmə icraçıları ilə birgə fəaliyyət nəticəsində 11 milyon manat məbləğində borcun aqibəti barədə qərar qəbul edilib və indi bu borcun yenidən strukturlaşdırılması prosesi gedir, ləğv edilən müəssisələrin borcları isə ləğv ediləcək, - Müslümov vurğulayıb.
