Azərbaycan, Bakı, 19 yanvar /Trend/
2010-cu ildə Azərbaycanda 1,3 milyon tona yaxın sement istehsal olunub və bu, 2009-cu ilin göstəricisindən 0,6 faiz azdır. Bu barədə çərşənbə günü Azərbaycan Dövlət Statistika Komitəsindən məlumat verilib.
Dövlət Statistika Komitəsinin məlumatına əsasən, 2010-cu ilin yanvar-noyabr aylarında Azərbaycana 1,45 milyon ton sement və sement klinkerləri idxal olunub və ötən ilin analoji göstəricisindən 10,1 faiz azdır. Yanvar-noyabr aylarında 68 milyon dollar məbləğində sement və sement klinkerləri idxal olunub və bu 2009-cu ilin göstəricisindən 7,2 faiz çoxdur.
Yanvar-noyabr aylarında 572,4 min ton həcmində sement klinkerləri idxal olunub. Bu, ötən ilin göstəricisindən 0,8 faiz azdır. 26,54 milyon dollar məbləğində klinker idxal olunub ki, bu da 2009-cu ilin analoji göstəricisindən 17,8 faiz çoxdur.
Yanvar-noyabr aylarında ölkəyə 880,1 min ton sement idxal olunub ki, bu da 2009-cu ilin analoji göstəricisi ilə müqayisədə 15,2 faiz azdır. Bu dövr ərzində 41,43 milyon dollar həcmində sement idxal olunub və bu göstərici 2009-cu ilin yanvar-noyabr ayları ilə müqayisədə 1,4 faiz çoxdur.
