...

Azərbaycan ehtiyatların səviyyəsinə görə "ВВ" və "ВВВ" kredit reytinqli ölkələri qabaqlayır - "Standard&Рoor's"

Biznes və iqtisadiyyat xəbərləri Materials 15 Mart 2011 13:03 (UTC +04:00)

Azərbaycan, Bakı, 15 mart /Trend, müxbir N.İsmayılova/

Azərbaycan büdcə və beynəlxalq ehtiyatların səviyyəsinə görə "ВВ " və "ВВВ" kredit reytinqli digər ölkələri nəzərəçarpacaq dərəcədə qabaqlayır. Bu barədə "Standard&Рoor's" beynəlxalq reytinq agentliyini hesabatında deyilir.

"Neft hasilatı və ixracına dair əlverişli proqnoz ölkənin yaxın bir neçə ildə cari əməliyyat hesabı üzrə profisiti və icmal büdcəsinin profisitini saxlayacağını ehtimal etməyə imkan verir. Bir halda ki, 2011-ci ildə neft hasilatı həcmləri praktiki olaraq dəyişməyəcək, 2012-ci ildə isə bir qədər artacaq, bu zaman bizim qiymətləndirmələrimizə görə, 2011-ci ildə neftin qiymətləri bir barel üçün 86 dollaradək olacaq, güman etmək olar ki, cari əməliyyat hesabı üzrə profisit yüksək olaraq qalacaq, 2011-2012-ci illər dövründə orta hesabla ÜDM-in 16 faizindən çoxunu təşkil edəcək", - məlumatda deyilir.

Agentliyin fikrincə, neft sektorunda birbaşa xarici investisiyaların (BXİ) artımı 2012-2013-cü illərdən sonra neft hasilatının artmasına kömək etməlidir. Qlobal iqtisadi tənəzzülə baxmayaraq, 2010-2011-ci illərdə istehsal həcmində artım ildə 4 faizə yaxın təşkil edəcək, daha sonra isə qeyri-neft sektorunda artım templərinin artması sayəsində tədricən sürətlənəcək (2012-2013-cü illərdə 5 faizədək), çünki iqtisadiyyat karbohidrogen xammalının satışından daxilolmalarla stimullaşmaqda davam edir.

"Azərbaycan Dövlət Neft Fondunun (ARDNF) vəsaitləri - fondun büdcə ehtiyatları ölkə hökumətini neftin qiymətini hətta büdcədə nəzərdə tutulan səviyyədən aşağı düşəcəyi halda belə, manevr etmək üçün əhəmiyyətli məkanla təmin edir", - hesabatda deyilir.

2011-ci ildə neftin bir barelinin qiymətinin 60 dollar proqnoz qiyməti üzrə qurulan (ARDNF-nin xalis gəlirləri nəzərə alınmaqla) Azərbaycanın dövlət büdcəsi, agentliyin proqnozlarına görə, yenə böyük profisitlə (ÜDM-in 16 faizinə yaxın) yerinə yetiriləcək. Bununla yanaşı, Azərbaycanın 2010-cu ildə 5,6 faiz təşkil edən borcunun səviyyəsi (zəmanətlər nəzərə alınmadan) suveren emitentlərin analoji "ВВ" və "ВВВ" göstəriciləri ilə müqayisədə (2010-cu ildə müvafiq olaraq 42,3 faiz və 39 faiz) kifayət qədər aşağıdır.

Azərbaycanın reytinqini dəstəkləyən əsas amillər müqayisə ediləcək dərəcədə cari əməliyyat hesabı üzrə yüksək profisit və hökumətin artan aktivləridir. Qiymətləndirmələrə körə, 2010-cu ildə hökumətin xalis aktivləri ÜDM-in 41 faizini (2008-ci ildəki 20 faizə qarşı) təşkil edib. Onların 2011-ci ildə 47 faizə, 2012-ci ildə isə ÜDM-in 54 faizinə çatacağı gözlənilir.

"Bu mənada Azərbaycanın vəziyyəti müqayisə qrupuna daxil olan "ВВ" reytinq kateqoriyası ölkələrindən daha yaxşı görünür: orta qiymət 2011-ci ildə çox güman ki, ÜDM-in 35 faizini təşkil edəcək bu ölkələr xalis borc mövqeyinə malikdirlər. Azərbaycanın borca tələbatı müqayisə qrupundakı orta dərəcədən aşağıdır, çünki onun makroiqtisadi və büdcə göstəriciləri "ВВВ" reytinqli bir çox ölkələrdən yüksəkdir. 2011-ci ildə Brent markalı neftin bir barelinin orta qiymətinin 87 dollaradək gözlənilən artımı sayəsində və 2011-2013-cü illərdə neft hasilatı tempinin kəskin azalmasına dair ehtimallara baxmayaraq, Azərbaycanın cari əməliyyat hesabı üzrə profisiti yüksək qalmalıdır, ona görə də ödəniş balansı göstəriciləri üzrə ölkənin mövqeyi daha da yaxşılaşmalıdır", - hesabatda deyilir.

"Standard&Рoor's" beynəlxalq reytinq agentliyinin kredit reytinqləri xidməti Azərbaycanın uzunmüddətli və qısamüddətli suveren reytinqini "ВВ+/В" səviyyəsində təsdiqləyib. Reytinqlər üzrə proqnoz əvvəlki kimi "pozitiv"dir. Köçürmə riskinin qiyməti və valyuta dönərliyi "BBB-" səviyyəsində qalır.

Xəbər lenti

Xəbər lenti