2011-ci il yanvarın 1-dən Mərkəzi Bankın dollar/manatın məzənnəsinin ikitərəfli hədəfləmə siyasətinə keçidindən sonra milli valyutanın məzənnəsi sabitləşib. Makroiqtisadi analizlər göstərir ki, cari şəraitdə dollar/manatın məzənnəsinin ikitərəfli hədəfləməsi Mərkəzi Bankın məqsədləri, xüsusilə də inflyasiyanın səviyyəsinə təsikr göstərmək məqsədilə nisbətən daha çox razılaşdırılıb. Kommunikasiyalar nöqteyi-nəzərindən, bu mexanizm nəinki sərfəlidir, bu, həm də uzunmüddətli perspektivdə AMB-yə sərbəst üzən məzənnə rejiminə keçməyə imkan verəcək.

Ötən həftənin yekununa əsasən, Bakı Banklararası Valyuta Birjasının alış-verişi nəticəsində müəyyən olunmuş manatın ABŞ dollarına nisbəti dəyişməz qalıb. Ötən həftə orta məzənnə bir ABŞ dolları üçün 0,7913 manat səviyyəsində müəyyən olunub.

Həftə ərzində BEST-də həmin gün valyutalaşdırma ilə sövdələşmələr həyata keçirilib (T+0): aprelin 11-də sövdələşmələr aparılmayıb, buna görə məzənnə 0,7913 səviyyəsində qalıb. Aprelin 12-də 0,7913AZN/USD məzənnə ilə $4,01 mln., aprelin 13-də 0,7913 AZN/USD məzənnə ilə $1,705 mln., aprelin 14-də 0,7913AZN/USD məzənnə $2 mln., aprelin 15-də 0,7913 AZN/USD məzənnə ilə $3,145 mln.

USD/AZN T+1 və T+2 alətləri üzrə tələbat olmadığından, dilerlər tərəfindən sövdələşmələr həyata keçirilməyib. RUB/AZN və EUR/AZN alətləri üzrə BEST-ə banklar tərəfindən sifarişlər təqdim olunmayıb. Aprelin 13-də BEST-də Т+0 EUR/AZN aləti üzrə (elə həmin gün ödənilməklə) bir avronun 1,1463 manat məzənnəsi ilə 220 min manatlıq sifariş təqdim olunub.