Azərbaycan, Bakı, 19 aprel /Trend, müxbir A.Axundov/
2011-ci ilin birinci rübünün yekunları üzrə Azərbaycan Dövlət Neft Fondunun (ARDNF) investisiya portfelinin ümumi həcmi 25 779,32 milyon dollar təşkil edib ki, bu da aktivlərin ümumi həcminin 99,93 faizini təşkil edir. Trend-in məlumatına görə, bu barədə ARDNF-in icraçı direktoru Şahmar Mövsümov çərşənbə axşamı birinci rübün yekunlarına həsr olunmuş mətbuat konfransında bildirib.
İnvestisiya portfelinin 55,26 faizi (14 244,61 milyon dollar) dollarda, 39,67 faizi (7 236,06 milyon avro) avroda, 5,07 faizi isə ingilis funt sterlinqində (813,21 milyon funt sterlinq) cəmləşib.
2011-ci il aprelin 1-nə olan vəziyyətə görə, ARDNF-in aktivləri bu ilin əvvəli ilə müqayisədə 13,3 faiz (22 766,8 milyon dollar) artaraq 25 796,9 milyon dollar təşkil edib.
Dövlət Neft Fondu 1999-cu ildə yaradılıb.
