Azərbaycan, Bakı, 13 may /Trend, müxbir N.İsmayılova/
2011-cu ilin aprel ayında istehlak mallarının qiymətləri və xidmət tarifləri mart ayı ilə müqayisədə 0,3 faiz azalıb, yanvar-apreldə isə ötən ilin analoji dövrü ilə müqayisədə inflyasiya 9 faiz təşkil edib. Bu barədə cümə günü Trend-ə Azərbaycan Dövlət Statistika Komitəsindən bildiriblər.
Apreldə ərzaq mallarının qiyməti 7 faiz ucuzlaşıb, qeyri-ərzaq mallarının qiyməti 0,1 bahalaşıb, xidmət tarifləri isə 0,1 faiz artıb.
2010-cu ilin yanvar-aprel ayları ilə müqayisədə ərzaq malları 3,1 faiz, qeyri-ərzaq malları 2,8 faiz, xidmətlər isə 3,7 faiz bahalaşıb.
Apreldə mal və xidmətlərin çıxılması ilə hesablanan mövsümi dəyişikliklərə uğrayan (meyvə və tərəvəz) istehlak qiymətlərinin bazis indeksi və dövlətin tənzimlədiyi qiymətlər ötən aylarla müqayisədə 0,4 faiz azalıb, 2010-cu ilin yanvar-apreli ilə müqayisədə isə 6,1 faiz artıb.
