Azərbaycan, Bakı, 13 avqust /Trend, müxbir N.İsmayılova/
Azərbaycan bankı "Paşa Bank"ın aktivləri 2011-ci ilin əvvəlindən 0,4 faiz artaraq 511,18 milyon manat təşkil edib. Bu barədə bankın balans hesabatında deyilir.
Bankın kredit portfeli ilin yeddi ayı ərzində 15,9 faiz artıb və 225,85 milyon manat təşkil edib. Bundan 17,17 milyon manat (43,2 faiz artım) müştərilərə verilən kreditlərin payına düşür.
Hesabat dövrü ərzində bankın investisiya portfeli 35,1 faiz - 210,45 milyon manatadək artıb.
2011-ci ilin yanvar-iyul aylarında bankın əldə etdiyi xalis gəlir 10,1 milyon manat təşkil edib.
Bankın məcmu kapitalı 136,49 milyon manat (3,1 faiz), nizamnamə kapitalı isə 123,47 milyon manat (6,9 faiz artım) olub.
Bankın faiz gəlirləri 20,63 milyon manat, faizsiz gəlirləri 3,19 milyon manat təşkil edib. Faizli xərclər avqustun 1-nə 7,63 milyon manat, əməliyyat xərcləri 5,53 milyon manat, personala xərclər 3,17 milyon manat təşkil edib.
Hesabat dövrü ərzində bankın aktivlərinin rentabellik əmsalı (ROA) 14,29 faiz, məcmu kapitalın rentabellik əmsalı (ROE) 3,39, likvidliyi 127,85 faiz olub.
Qeyri-iş kreditlərinin (NPL) bankın ümumi portfelində payı 12,16 faiz təşkil edib. Ötən ilin yekunları üzrə müvafiq göstərici 0,6 faiz səviyyəsində olub.
