Azərbaycan, Bakı, 22 fevral /Trend müxbir Ə.Həsənov/
İlin başlanğıcından Azərbaycan İqtisadi İnkişaf Nazirliyi yanında Sahibkarlığa Kömək Milli Fonduna (SKMF) əvvəl verilən kreditlərdən artıq 16 milyon manat qaytarılıb. Trend-in məlumatına görə, bu barədə çərşənbə günü jurnalistlərə Fondun içraçı direktoru Şirzad Abdullayev bildirib.
SKMF ümumilikdə 2012-ci ilin əvvəlindən 257 layihənin maliyyələşdirilməsinə 30,9 milyon manat dəyərində güzəştli kredit verib. Fond 2012-ci ildə 200 milyon manat həcmində kredit ayırmağı planlaşdırır, onlardan 110 milyon manat kreditlərin qaytarılması hesabına təmin ediləcək.
"Son iki ay ərzində Fond əvvəl verilən kreditlərin qaytarılmasından 16 milyon manat əldə edib ki, bu da 9-10 milyon manat orta aylıq göstəriciyə müvafiqdir" , - Abdullayev vurğulayıb.