Azərbaycan, Bakı, 16 aprel/Trend, müxbir E. İsmayılov/
Bakıda avtomobil yollarının təmir edilməsini təkcə "Eurovision-2012" mahnı müsabiqəsi ilə əlaqələndirmək olmaz. Trend-in məlumatına görə, bu barədə bazar ertəsi jurnalistlərə Azərbaycanın nəqliyyat nazirinin müavini Musa Pənahov bildirib.
"Bu ilin qışında hava şəraiti olduqca sərt olub ki, bunun da nəticəsində paytaxtda yollar yararsız vəziyyətə düşüb. Onların keyfiyyətini yaxşılaşdırmaq üçün və əlverişli hava şəraitindən istifadə etməklə hazırda paytaxtın bir çox mərkəz küçələrində təmir-bərpa işləri aparılır" - Pənahov qeyd edib.
Nazir müavinin sözlərinə görə, əksər hallarda yol zolağının əsaslı təmiri keçirilir, qalan hallarda isə cari təmir aparılır.