...

Azərbaycan əhalisinin real gəlirləri 12 faiz artıb

Biznes və iqtisadiyyat xəbərləri Materials 20 Aprel 2012 14:47 (UTC +04:00)

Azərbaycan, Bakı, 20 aprel/Trend, müxbir Ə. Həsənov/

2012-ci ilin birinci rübündə Azərbaycanda adambaşına düşən nominal gəlirlər 792,1 manat təşkil edib ki, bu da ötən ilin analoji göstəricisini 12,3 faiz üstələyir. Bu barədə cümə günü Trend-ə Dövlət Statistika Komitəsindən məlumat veriblər.

Adambaşına düşən real pul gəlirləri 12,4 faiz artımla 718,8 manat təşkil edib.

Hesabat dövründə Azərbaycan əhalisinin nominal pul gəlirləri 7,2 milyard manat olub ki, bu da ötən ilin göstəricisindən 13,9 faiz çoxdur. Bu dövr ərzində əhalinin real pul gəlirləri 13,9 faiz artımla 6,56 milyard manata çatıb.

Üç ay ərzində əhali şəxsi gəlirlərinin 66,4 faizini mal və xidmətlərin əldə edilməsinə, 9,3 faizini vergilərin ödənilməsinə, sosial sığorta və icbarı üzvlük haqlarına, 22,1 faizini isə kapitalın toplanmasına ayırıb.

Yanvar-fevral aylarının yekunları üzrə Azərbaycanda ortaaylıq əməkhaqqının həcmi 368,5 manat olub ki, bu da 2011-ci ilin eyni dövrünə nisbətən 8,5 faiz çoxdur.

Ən yüksək əməkhaqqı hasilat sənayesində, maliyyə və sığorta fəaliyyəti, informasiya və rabitə, elmi və texniki fəaliyyət sahələrində, habelə tikinti sektorunda qeydə alınıb.

Xəbər lenti

Xəbər lenti