Azərbaycan, Bakı, 11 iyul /Trend, müxbir İ.Xəlilova/
Azərbaycan-Pakistan lizinq şirkəti "MCB Lizinq" nizamnamə kapitalını ikiqat artırmağı planlaşdırır. Bu barədə çərşənbə günü Trend-ə şirkətdən məlumat veriblər.
Hazırda şirkətin kapitalı 842 105 manat təşkil edir.
Azərbaycan Qiymətli Kağızlar üzrə Dövlət Komitəsi "MCB Lizinq"in ümumi dəyəri 826 737 manat olan sənədsiz, adlı səhmlərinin emissiyasını qeydiyyata alıb.
Səhmlərin emissiyası qapalı üsulla yerləşdiriləcək.
"Səhmlərin emissiyasının yerləşdirilməsi nəticəsində şirkətin nizamnamə kapitalı iki milyon dollara çatdırılacaq", - şirkətdən qeyd ediblər.
