Azərbaycan, Bakı, 26 iyul /Trend/
Azərbaycan Tarif Şurası 15-16 oktyabr 2012-ci il tarixlərində Türkiyənin İzmir şəhərində keçirələcək Enerji Tənzimləyicilərin Regional Assosiasiyasının (ERRA) Energetika sahəsində investisiyalar və tənzimləmə üzrə 11-ci Konfransında iştirak edəcək.
Trend-ə verilən məlumata görə, konfransda enerji bazarının inkişafı, investisiya perspektivləri, iqlim dəyişikliyi, regional bazarın formalaşdırılması və sərhəd ticarətinə dəstək üzrə infrastruktur və sair məsələlər barədə məruzələr dinləniləcək və müzakirələr aparılacaq.