Azərbaycan, Bakı, 5 dekabr / Trend, müxbir C.Nəsibova/
ABŞ Beynəlxalq İnkişaf Agentliyi (USAID) Azərbaycanda biznesin inkişafında iştirak etmək niyyətindədir. Bu barədə çərşənbə günü Trend-ə USAID-in Azərbaycandakı baş hüquqşünası Leyla Məmmədova bildirib.
"USAID gələn ilin əvvəlindən ölkə iqtisadiyyatının və biznesinin müxtəlif sektorlarının inkişafında iştirak etməyi planlaşdırır", - Məmmədova deyib.
Onun sözlərinə görə, habelə agentlik Azərbaycanda infrastruktur layihələrin maliyyələşdirilməsini davam etdirmək niyyətindədir.
"Gələn il USAID Azərbaycanda infrastruktur layihələrin, o cümlədən kənd təsərrüfatı və səhiyyə sahəsində layihələrin maliyyələşdirilməsini davam etdirmək niyyətindədir",- Məmmədova bildirib
Agentliyin baş hüquqşünasının sözlərinə görə, USAID habelə Azərbaycanda təhsil sisteminin inkişafında və dəstəkdə iştirakı planlaşdırır.