Azərbaycan, Bakı, 20 fevral /Trend, müxbir T.Cəfərov/
İran və Azərbaycanın Gömrük komitələrinin rəislərinin bu gün Astara sərhəd buraxılış məntəqəsində görüşü keçirilir. Bunu Trend-ə İranın Azərbaycandakı səfirliyinin mətbuat xidmətinin rəhbəri Məhəmməd Ayətullahi deyib.
Ayətullahinin sözlərinə görə, görüşdə Astara sərhəd-keçid məntəqəsindən sərnişinlərin və yüklərin gediş-gəlişini asanlaşdırmaq məqsədi ilə müzakirələr aparılacaq.
Qeyd edək ki, yanvar ayının sonlarında Azərbaycanın Astara sərhəd buraxılış məntəqəsində Azərbaycan və İranın gömrük komitələrinin rəis müavinlərinin görüşü keçirilmişdi.