...

İranla Azərbaycan sərhədindəki “Aslanduz” sərhəd-keçid məntəqəsinin yenidən açılması üçün infrastruktur hazırdır

Biznes və iqtisadiyyat xəbərləri Materials 29 Mart 2013 12:22 (UTC +04:00)
İranla Azərbaycan sərhədində, Muğan (Parsabad)-Bəhramtəpə (İmişli) bölgəsində "Aslanduz" sərhəd-keçid məntəqəsi yenidən fəaliyyətə başlaması üçün infrastruktur artıq hazırdır.

Trend-i buradan izləyin

Azərbaycan, Bakı, 29 mart /Trend, müxbir T.Cəfərov/

İranla Azərbaycan sərhədində, Muğan (Parsabad)-Bəhramtəpə (İmişli) bölgəsində "Aslanduz" sərhəd-keçid məntəqəsi yenidən fəaliyyətə başlaması üçün infrastruktur artıq hazırdır. Bu sözləri İranın Ərdəbil vilayətinin valisi Əkbər Nikzad ötən gün "Aslanduz" sərhəd keçid məntəqəsinə baxışı zamanı junalistlərə deyib. Trend-in məlumatına görə, bu barədə İSNA agentliyi məlumat verir.

Nikzad deyib ki, İran və Azərbaycan arasında "Aslanduz" sərhəd-keçid məntəqəsinin yenidən fəaliyyəti ilə bağlı danışıqlar aparılıb və Azərbaycan tərəfi də bu keçid məntəqəsinin fəaliyyətində maraqlıdır.

Nikzad "Aslanduz" sərhəd-keçid məntəqəsinin yaxın vaxtlarda açılacağını deyib və bildirib ki, bu sərhəd-keçid məntəqəsinin açılması İran-Azərbaycan münasibətlərinin səviyyəsinin yüksəlməsinə və sərhəd bölgəsində yaşayan əhalinin iqtisadi rifahına kömək edəcək.

Parsabad Ərdəbil vilayətinin şimalında yerləşir və Azərbaycan Respublikası ilə təxminən 100 kilometr ortaq quru və su sərhədinə malikdir.

Azərbaycan və İran sərhədində beynəlxalq marşrutlarda 6 sərhəd-keçid məntəqəsi mövcuddur ki, onlardan hazırda 5- i (Culfa, Şahtaxtı, Astara, Biləsuvar və İmişli sərhəd keçid məntəqələri ) fəaliyyət göstərir, Horadiz gömrük postu isə uzun müddətdir fəaliyyətini dondurub.

Məqalədə:
Xəbər lenti

Xəbər lenti