Azərbaycan, Bakı, 9 aprel /Trend, müxbir Azad Həsənli/
Asiya İnkişaf Bankı (AİB) 2015-2017-ci illər üçün Azərbaycanda əməliyyatlar üzrə biznes-planı təsdiq edib.
Trend-in AİB-ə istinadən verdiyi məlumata görə, Azərbaycan bankdan qeyd edilən dövrdə vəsaitləri yalnız adi kapital resursları qismində əldə edəcək.
2015-2017-ci illərdə suveren əməliyyatların maliyyələşdirilməsində istifadə edilə biləcək ilkin resurslar 586 milyon dollar, təqdim edilən kreditləşmə proqramı isə 715 milyon dollar təşkil edəcək.
AİB-in vəsaitləri su, nəqliyyat və enerji layihələrinə istiqamətlənəcək.