2006-cı ilin yanvar ayı ərzində Azərbaycan Milli bankının xalis beynəlxalq ehtiyatları 6,7% artıb. İl ərzində isə artım 17,4% təşkil edib. Bu barədə Trend ə AMB-dən məlumat verilib.
2006-cı il fevralın 1-nə XBE həcmi 2005-ci il yanvarın 1-nə olan 1035,9 mln AZN və fevralın 1-nə olan 941,3 mln AZN-ə qarşı 1105,4 mln AZN təşkil edib. Xalis daxili aktivlər 2005-ci il yanvarın 1-nə olan 805,9 mln AZN və fevralın 1-nə olan 498,4 mln AZN-ə qarşı 676,7 mln AZN-ə bərabər olub.
Fevralın 1-nə genişləndirilmiş pul kütləsi (M3) 1782 mln AZN (o cümlədən milli valyuta ilə 708,2 mln AZN) təşkil edib. Bu göstərici 2005-ci il yanvarın 1-nə 1841,8 mln AZN, fevralın 1-nə isə 1439,8 mln AZN-ə bərabər olub.