Azərbaycan Beynəlxalq Əməliyyat Şirkəti və BP-nin dövlət büdcəsinə gəlir vergisi üzrə faktiki ödənişt 140 mln. AZY ($154,9 mln.) təşkil edib. Hökumətdən Trend agentliyinə verilən məlumata əsasən, bu köçürmədən 80 mln. AZY ($88,5 mln) 2005-ci ildə, 60 mln. AZY ($66,4 mln.) isə 2006-cı ilin 1-ci rübündə gerçəkləşdirilib.
2005-ci ildə büdcə proqnozlarının hesablanması zamanı neft qiyməti bir barelə görə 25 dollar, 2006-cı ildə isə 40 dollar həcmində götürülmüşdür. Lakin neft qiymətlərinin dünya bazarlarında artım meyli baxımından neft gəlirləri üzrə daxilolmalar proqnozu üstələyəcək.
Azəri-Çıraq-Günəşli yatağının işlənməsi haqqında müqaviləyə əsasən, ABƏŞ gəlir vergisi üzrə ödənişə öz xərclərini çıxardıqdan sonra başlayacaq. Bu il ABƏŞ tərəfindən gəlir vergisi üzrə ilk ödəniş gerçəklləşdirilib. 2006-cı ildə isə bu göstəricinin təxminən 250-300 mln dollar təşkil edəcəyi gözlənilir.
ABƏŞ, müqavilədə nəzərdə tutulduğu kimi, gəlir vergisini 25% dərəcə ilə ödəyəcək.