2006-cı ilin birinci rübünün yekunları üzrə birgə Azərbaycan-Dubay Bank of Azerbaijan bankının təmiz gəliri 488 min AZN təşkil edib. Bu barədə Trend ə bankdan məlumat verilib. Bu zaman gəlirlərin ümumi həcmi 1 623 min AZN təşkil edib ki, onun böyük hissəsi (1064 min AZN) faiz gəlirlərinin payına düşür. Hesabat dövründə bank tərəfindən 1 135 min AZN vəsait xərclənib.
Aprelin 1-nə olan vəziyyətə görə, Bank of Azerbaijan-ın aktivləri 32 973,9 min AZN təşkil edib. Bankın kredit portfeli 29 231,2 min AZN-ə çatıb, bu məbləğdən 0,12% problemli kreditlərin payına düşüb. Kreditlər üzrə ehtiyatlar 2722,14 min AZN səviyyəsində formalaşıb. Onlardan 672,9 min AZN - sadə kreditlərin, 2049,23 min AZN - məqsədli kreditlərin payına düşür.
Bankın birinci rübün yekunları üzrə depozit portfeli 10917 min AZN olub ki, burada təcili depozitlərin ümumi həcmi 7169 min AZN, eləcə də fiziki şəxslərin təcili əmanətləri 5790,8 min AZN təşkil edib.