...

Azərbaycan UPOV regional seminarında iştirak edəcək

Biznes və iqtisadiyyat xəbərləri Materials 4 Sentyabr 2007 16:50 (UTC +04:00)

Trend-i buradan izləyin

Azərbaycan, Bakı / Trend , müxbir S.Babayeva/ Azərbaycan Yeni Bitki Növlərinin Mühafizəsi üzrə Beynəlxalq Birliyin (The International Union for the Protection of New Varieties of Plants -UPOV) Mərkəzi Asiya regionunda bitki növlərinin mühafizəsi üzrə III regional

seminarda iştirak edəcək. Nümayəndə heyətinin tərkibinə Kənd Təsərrüfatı Nazirliyinin elmi-aqrar mərkəzinin baş direktoru Əsəd Musayev və Bitki Növlərinin Sınağı üzrə Dövlət Komissiyasının sədri Fazil Paşayev daxildir. Bu barədə mərkəzdən çərşənbə axşamı verilən məlumatda bildirilir.

Tədbir 10-14 sentyabrda İssık-Kulda (Qırğızıstan) Mərkəzi Asiya, Azərbaycan, Yaponiya, Pakistan və Monqolustandan olan nümayəndələrin iştirakı ilə keçiriləcək.

Musayev növlərin yaradılması və Bitki Növlərinin Sınağı üzrə Dövlət Komissiyasına onların ötürülməsi qaydaları ilə bağlı məruzə ilə çıxış edəcək. Paşayev belə təcrübələrin Azərbaycanda keçirilməsi qaydaları və prosedurarı barədə danışacaq.

UPOV iqamətgahı Cenevrədə yerləşən dövlətlərarası təşkilatdır. UPOV 1961-ci ildə Parisdə imzalanan və 1968-ci ildən qüvvəyə minən bitkilərin yeni növlərinin mühafizəsi üzrə beynəlxalq konvensiya tərəfindən yaradılıb. Azərbaycan 2004-cü ildən təşkilatın üzvüdür.

Xəbər lenti

Xəbər lenti