Azərbaycan, Bakı, 11 fevral / Trend / Bakı-Tbilisi-Ceyhan (BTC) boru kəməri ilə ilk neftin nəql edilməsindən sonra, onunla 40,3 mln. ton "Azəri"-"Çıraq"-"Günəşli" yatağında hasil edilən Azərbaycanın yüngül nefti ixrac edilib, - Azərbaycanın Dövlət Neft Şirkətinin (ARDNŞ) məlumatında deyilir. Ceyhan limanına neftin çatdırılmasından sonra, bu limandan göndərilən tankerlərin ümumi sayı 376 təşkil edib.
Yanvarda boru kəməri ilə təxminən 3 mln. ton neft göndərilib. 2007-ci ildə bu marşrut üzrə 28,02 mln. ton Azərbaycan nefti ixrac edilib.
BTC ilə "Azəri-Çıraq-Günəşli" yatağında hasil olunan yüngül neft nəql edilir. Neft kəmərinin operatoru "BP"dir. "Azəri-Çıraq-Günəşli" yatağının işlədilməsi üzrə layihənin xarici iştirakçılarından yalnız ikisi - Amerikanın "ExxonMobil" və "Devon" şirkətləri - öz neftini BTC ilə nəql etmirlər. Bu şirkətlər BTC-nin tikintisinin investorları deyil və öz neftlərini, dəmir yolu vasitəsilə daşıyaraq, Gürcüstanın Batumi limanından satırlar.
BTC neft kəmərinin ümumi uzunluğu - 1768 kilometdir, onun 443 km-i Azərbaycandan, 249 km -i Gürcüstandan, 1076 km -i Türkiyədən keçir. Nəqletmə həcmi - ildə 50 mln. ton neftdən artıqdır (bir gündə 1 mln. barel neft). Bu il kimyəvi reagentlərin hesabına boru kəmərinin nəqletmə həcmi gündə 1,2 mln. barel neftədək artırılacaq.
BTC-nin tikintisi $4 mlrd.-a başa gəlib. Tikinti işlərinin, boru kəmərinin doldurulmasının xərcləri, maliyyə xərcləri və bank faizlərinin ödənilməsi bura daxil deyil. Ümumi maliyyə kreditinin cəmi $2,6 mlrd. təşkil edir.
"BTC Co"nun səhmdarları bunlardır: "BP" (30,1 faiz); "AzBTC" (25 faiz); "Chevron" (8,90 faiz); "Statoil Hydro" (8,71 faiz); "TRAO" (6,53 faiz); "Eni" (5 faiz); "Total" (5 faiz); "Itochu" (3,40 faiz); "Inpex" (2,50 faiz); "ConocoPhillips" (2,50 faiz) və "Amerada Hess" (2,36 faiz).
