Azərbaycan, Bakı, 24 iyun / Trend , müxbir N.İsmayılova /
Neftin qiymətləri artarsa və xərclər büdcə səviyyəsini ötməsə, 2009-cu ilin sonunda Azərbaycanın Neft Fondunun vəsaiti 11,5012 milyard dollara kimi artacaq, bu barədə beynəlxalq reytinq agentliyi Standard&Poor`s-in "Azərbaycan qlobal maliyyə böhranına necə reaksiya verir" analitik xülasəsində deyilir.
Bu göstərici 2008-ci ilin dekabr ayındakı 11,2 milyarda nisbətdə 2009-cu ilin aprel ayında 10,9 milyarda kimi azalıb.
"ARDNF vəsaitlərinin artması halında 2009-cu ildə Azərbaycanın dövlət sektorunun müsbət balansı ÜDM-in 32,3 faizinə kimi arta bilər", - xülasədə deyilir.
Hesabatda deyildiyi kimi, ARDNF təkcə büdcə kəsirlərinin aradan qaldırılmasına icazə vermir, eyni zamanda onun köməyi ilə hökumət "holland xəstəliyi" ilə əlaqədar bir sıra problemləri həll etməyə çalışır. Agentliyin fikrincə, fond bir növ ölkə büdcəsində yaranan problemləri həll etməyə imkan verən buferdir və hökumətin "kontrtsiklik" siyasət aparmasına imkanı verir.
"Bundan əlavə fondun vəsaitləri investisiya şəklində neft sektoruna qoyulur və iqtisadiyyatın diversifikasiyasına və onun neft sahəsindən asılılığının azalmasına kömək edir", - xülasədə deyilir.
Standard&Poor`s analitiklərinin fikrincə, ARDNF Azərbaycandan kənarda vəsaitlərin investisiya qoyulması ilə möhkəm valyutanın böyük axını səbəbindən inflasiyanın azalmasına yardım edə bilər.
