...

Azərbaycanın ÇXR-ə qaz ixrac etməsi Çinin təklifinin effektivliyindən asılı olacaq

Energetika Materials 29 Sentyabr 2009 20:30 (UTC +04:00)

Azərbaycan, Bakı, 29 sentyabr / Trend , müxbir V.Javoronkova /

Azərbaycan ÇXR tərəfindən effektiv təklif gələrsə, öz qazının Çinə ixracının mümkünlüyü məsələsinə baxa bilər. Kanadanın Karlton Universitetinin Avropa və Rusiya üzrə Araşdırmalar İnstitutunun elmi əməkdaşı Robert Kartler belə hesab edir.

"Əgər Çin Azərbaycana qazın tədarük həcmi və qiyməti ilə bağlı yaxşı şərtlər təklif etsə, Bakı bu məsələyə ciddi yanaşacaq", - Bakıda olan Katler çərşənbə axşamı TREND-in Beynəlxalq Mətbuat Mərkəzində keçirilən brifinqdə deyib.

Azərbaycan qazının "Qazaxıstan-Çin" boru kəməri ilə nəql edilməsi təklifi "KazMunayQaz" Qazaxıstan milli şirkətinin prezidenti Kairgeldi Kabıldin tərəfindən ARDNŞ prezidenti Rövnəq Abdullayevlə görüşü zamanı edilib.

Cində qaza olan tələbat 1990-cı ilin ortalarında daha da artıb. 1995-ci ildə qaz istehlakı 17,7 milyard kubmetr təşkil edib. BP-nin məlumatına görə, 2009-cu ildə qaza olan tələbat 80,7 milyard kubmetr təşkil edib ki, bu da 2007-ci ilə olan tələbatdan 15,8 faiz çoxdur. BP-nin məlumatına görə, 2009-cu ilin əvvəlində Çində olan qaz ehtiyatı 2,46 trilyon kubmetr təşkil edib. Ötən il ölkədə hasil edilən qaz 76,1 milyard kubmetr təşkil edib ki, bu da 2007-ci ildəki qaz hasilatının həcmindən 9,6 faiz çoxdur.

Proqnoza uyğun olaraq, gələcəkdə Çində qaza olan tələbat getdikcə artacaq. Bir neçə proqnoza görə, ölkədə qaza olan tələbat iqtisadiyyatın atrması və sənayenin inkişafı nəticəsində 2010-cu ildə 150 milyard kubmetrə, 2020-ci ildə isə 280 milyard kubmetrə çatacaq.

Məqalə müəllifi ilə əlaqə ünvanı: с[email protected]

Xəbər lenti

Xəbər lenti