Azərbaycan, Bakı, 30 sentyabr / Trend , müxbir A.Hüseynbala/
Azərbaycan Parlamenti elektrik enerjisi, qaz, su təminatı və kanalizasiya suları haqqında qanuna dəyişikliklər edilməsinə dair layihəni təsdiq edib.
Düzəlişlərə müvafiq olaraq qaz, elektrik enerjisi və içməli su istehsalçıları öz abunəçilərinə fərdi yanaşacaqlar.
"Yaşayış binalarında yaşayan bir neçə abunəçinin borcunu ödəməməsinə görə bütün binanın elektrik enerjisi, qaz və su təminatı dayandırılmayacaq", - payız sessiyasının birinci plenar iclasında Milli Məclisin vitse-spikeri, təbii ehtiyatlar, energetika və ekologiya daimi komitəsinin sədri Valeh Ələsgərov deyib. Yalnız borcu olan istifadəçilərin qaz, su və enerji təminatı məhdudlaşdırılacaq.
İstifadə edilən qaz, su və elektrik enerjisinin ödənilməsi sayğacın göstəricisinə uyğun olaraq həyata keçirilicək.
Məqalə müəllifi ilə əlaqə ünvanı: [email protected]
