Aİ-nin 27 ölkəsində Euro-super 95 avtomobil benzininə olan qiymətlərin icmalı (1-8 mart)

Azərbaycan, Bakı, 12 mart / Trend , müxbir A.Bədəlova/

Ötən həftə ərzində (1-8 mart) Avropanın 27 ölkəsində Euro-super 95 markalı benzinin orta qiyməti min litrə 1295 avro (ƏDV daxil) təşkil edib ki, bu da ötən həftənin orta qiymətdən min litrə 21 avro çoxdur. Benzinin qiymətinə dair statistik məlumatlar Avropa Komissiyasının rəsmi saytında öz əksini tapıb.

Ötən həftə ərzində Avropa ölkələri arasında Euro-super 95 markalı benzinin ən yüksək qiyməti Niderlandda müşahidə olunub. Ötən həftənin yekunlarına görə, bu ölkədə həmin markalı benzinin qiyməti 22 avro artaraq min litrə 1489 avro təşkil edib.

Bu markalı benzinin ən aşağı orta qiyməti Kiprdə müşahidə olunub: bir həftə əvvəl qeydə alınan min litrə 961 avroya nisbətdə ötən həftənin yekununa görə min litrə 987 avro təşkil edib.

Euro-super 95 markalı benzinin qiymətinin yüksəkliyinə görə ikinci yerdə duran ölkə Danimarkadır. Bu ölkədə ötən həftəyə görə həmin markalı benzinin qiyməti 13 avro artaraq, min litrə 1425 avro təşkil etib.

Ötən həftə ərzində Euro-super-95 benzinin qiymətinə görə üçüncü yeri tutan Yunanıstanda qiymət 97 avro artaraq min litrə 1369 avro təşkil edib.

Ötən həftə ərzində Euro-super 95 markalı benzinin qiymətinə görə dördüncü yeri tutan Almaniyada qiymət əvvəlki göstəriciyə - min litrə 1338 avroya nisbətdə min litrə 1363 avro təşkil edib.

Euro-super 95 markalı benzinin qiymətinə görə beşinci yeri tutan Finlandiyada bir həftə öncə qeydə alınan min litrə 1343 avroya nisbətdə ötən həftə orta qiymət min litrə 1362 avro təşkil edib.

Euro-super 95 markalı benzinin qiyməti İtaliyada bir həftə öncə qeydə alınan min litrə 1333 avroya nisbətdə ötən həftə orta qiymət min litrə 1352 avro təşkil edib.

Ötən həftə ərzində Euro-super 95 markalı benzinin qiymətinə görə yeddinci yeri tutan Portuqaliyada qiymət min litrə 1348 avro olub. Bundan əvvəlki həftə isə min litrə 1336 avro təşkil etmişdi.

Ötən həftə ərzində Euro-super 95 markalı benzinin qiymətinə görə səkkizinci yeri tutan Belçikada qiymət 21 avro artaraq min litrə 1345 avro təşkil edib.

Fransada Euro-super 95 markalı benzinin qiyməti ötən həftə ərzində min litrə 1338 avro təşkil edib. Bundan əvvəlki həftə isə Fransada qiymət 1334 avro olmuşdu.

Avropa ölkələri arasında Euro-super 95 markalı benzinin qiymətinin yüksəkliyinə görə onuncu yeri İsveç tutub. Bu ölkədə qiymət 22 avro artaraq min litrə 1330 avro təşkil edib.

Avropanın 27 ölkəsində Euro-super-95 markalı benzinə olan qiymətlərin (vergilər daxil olmaqla) müqayisə cədvəli: