...

Azərbaycan "Bakı-Tbilisi-Ərzurum" boru kəməri ilə qaz nəqlini artırıb

Energetika Materials 14 May 2010 20:32 (UTC +04:00)

Аzərbaycan, Bakı, 14 may /Trend/

"Bakı-Tbilisi-Ceyhan" (BTC) boru kəməri ilə 2009-cu ilin yanvar-aprel ayları ilə müqayisədə (11,8 mln ton) bu ilin analoji dövründə 1,9 mln ton neft nəql olunub. Bu barədə Azərbaycan Dövlət Statistika Komitəsinin məlumatında deyilir.

2009-cu il ərzində ümumilikdə BTC vasitəsilə 2008-ci illə müqayisədə (32,8 mln ton) 38,2 mln ton neft nəql olunub.

BTC neft kəmərinin ümumi uzunluğu 1768 kilometrdir ki, bunun da 443 km-i Azərbaycan, 249 km-i Gürcüstan, 1076 km-i isə Türkiyə ərazisində yerləşir. Boru kəmərinin tikintisinə 2003-cü ilin aprel ayında, onun neftlə doldurulmasına isə 2005-ci ilin mayında başlanılıb.

BTC-nin səhmdarları BP (30,1 faiz), AzBTC (25 faiz), Chevron ( 8,90 faiz), Statoil (8,71 faiz), TPAO (6, 53 faiz), Eni (5 faiz), Total (5 faiz), Itochu (3,40 faiz), Inpex (2,50 faiz), ConocoPhilips (2,50 faiz) və Hess (2,36 faiz) şirkətləridir.

Yanvar-aprel aylarında Cənubi Qafqaz boru kəməri vasitəsilə (Bakı-Tbilisi-Ərzurum) ötən ilin analoji dövrü ilə müqayisədə (1,7 milyard) 1,8 milyard kubmetr qaz nəql olunub.

2009-cu ildə "Bakı-Tbilisi-Ərzurum" boru kəməri ilə 2008-ci illə müqayisədə (4,7 milyard kubmetr) 5,2 milyard kubmetr qaz nəql olunub.

"Bakı-Tbilisi-Ərzurum" kəmərinin uzunluğu (Cənubi Qafqaz boru kəməri) 700 kilometrdən çoxdur. Buna görə də Xəzər dənizinin Azərbaycan sektorunda "Şahdəniz" qaz-kondensat yatağında hasil olunan qaz kəmər vasitəsilə nəql olunur. Qaz Gürcüstan və Türkiyəyə daşınır.

Xəbər lenti

Xəbər lenti