Azərbaycan, Bakı, 10 iyun /Trend/
ARDNŞ-nin "Azərikimya" İstehsalat Birliyi Azərbaycan Milli Elmlər akademiyası ilə əməkdaşlığı genişləndirmək niyyətindədir. Bu barədə ARDNŞ-nin cümə axşamı yayılan məlumatında deyilir.
AMEA və "Azərikimya" İB arasında əlaqələrin daha da genişləndirilməsi məqsədi ilə gələcəkdə Sumqayıtda tanınmış kimyaçı alimlərin iştirakı ilə səyyar elmi-texniki müşavirələrin keçirilməsi, şəhərin kimya sənayesi kompleksinin problemlərinin və onların aradan qaldırılması yollarının birgə araşdırılması qərara alınıb.
Görüş zamanı həmçinin İB-yə qaxil olan müəssisələrin bərpası zamanı qabaqcıl ölkələrin müasir texnologiyaları ilə yanaşı, Azərbaycanın məşhur elm xadimmlərinin qiymətli elmi nailiyyətlərinin tətbiqinin vacibliyi də qeyd edilib.
Göpüşdə, həmçinin neft-kimya sənayesi və kimya elminin inkişafının perspektivinə dair ideya və təkliflər irəli sürülüb.