Azərbaycan, Bakı, 1 dekabr /Trend, müxbir E.İsmayılov/
ARDNŞ və Türkiyənin dövlət boru kəməri şirkəti "Botaş" Azərbaycan qazının Türkiyə bazarında pərakəndə satışının texniki detallarını müzakirə edirlər. Bu barədə çərşənbə günü ARDNŞ-dəki mənbə deyib.
"İndi hələ ki ilin sonunadək razılaşdırılmalı olan texniki detallar müzakirə edilir", - mənbə bildirib.
Onun sözlərinə görə, Azərbaycan qazının Türkiyə bazarında satılmasına başlama müddətindən danışmaq hələ ki tezdir, bu halda hər şey tərəflər arasında texniki detalların razılaşdırılması müddətindən asılı olacaq.
Bir müddət əvvəl ARDNŞ prezidenti Rövnəq Abdullayevin dediyi kimi, şirkət artıq gələn ilin əvvəlindən etibarən qazın pərakəndə satışına başlamaq niyyətindədir.
Bundan əvvəl Türkiyə ilə ildə 1,2 milyard kubmetr həcmində alış və sonradan satış üzrə razılıq əldə olunub. Qazın böyük hissəsi ARDNŞ-nin pay hissələrinin olduğu "Petkim" neft-kimya kompleksinə, qalan hissəsi isə Türkiyənin daxili bazarında alıcılara çatdırılacaq.
Yaxın günlərdə ARDNŞ və Türkiyənin dövlət boru kəməri şirkəti "Botaş" Türkiyədə ARDNŞ-nin törəmə şirkətinə qaz verilişi və onun Türkiyənin daxili bazarında gerçəkləşməsini nəzərdə tutan müqavilə imzalayacaqlar.
Azərbaycan Sənaye və Energetika Nazirliyi və Türkiyə Energetika və Mineral Resurslar Nazirliyi arasında imzalanmış qarşılıqlı anlaşma haqqında memoranduma əsasən, Türkiyənin törəmə şirkəti hər il "Botaş"dan "Şahdəniz" qaz-kondensat yatağının işlənib hazırlanmasının birinci mərhələsi çərçivəsində Türkiyə üçün nəzərdə tutulmuş 6,6 milyard kubmetr qazın 1,2 milyardını alacaq. Qaz 2016-cı ilin sonuna qədər "Botaş" tərəfindən ARDNŞ üçün nəql ounacaq.
1,2 milyard kubmetr həcmində qazın qiyməti idaxl olunmuş qazın dəyəri, ölkə daxilində nəql üçün xərclər və digər vergi rüsumlarına ayrılacaq.
Göstərilmiş həcmin çatdırılması üzrə ticari şərtlər "al və ödə" müqaviləsi əsasında ARDNŞ və "Botaş" şirkətləri arasında razılaşdırılacaq.
Həmçinin, imzalanmış memoranduma əsasən, "Botaş" ARDNŞ üçün Suriya, Bolqarıstan və ya Yunasıtana ixrac məqsədilə razılaşdırılmış şərtlər əsasında iki milyard kubmetr qaz nəql edəcək.
