...

"Total" "Abşeron" qaz yatağında ilk quyunun qazılma müddətini açıqladı

Energetika Materials 20 Fevral 2018 15:00
"Total" "Abşeron" qaz yatağında ilk quyunun qazılma müddətini açıqladı.
"Total" "Abşeron" qaz yatağında ilk quyunun qazılma müddətini açıqladı

Trend-i buradan izləyin

Bakı. Maksim Tsurkov - Trend:

Xəzərin Azərbaycan sektorundakı "Abşeron" qaz yatağında ilk quyunun (ABD-001) qazılmasına gələn ay başlanacaq.

Trend-in məlumatına görə, bu barədə "Total" şirkətinin ictimai dinləmələrə təqdim edilən layihənin ətraf mühitə təsiri haqqında hesabatında deyilir.

Hesabata əsasən, qazma işləri "Heydər Əliyev" üzən qazma qurğusunun köməyi ilə aparılacaq.

Proqrama uyğun olaraq qazma 379 gün - 2019-cu ilin martınadək davam edəcək. İşlərin icraçısı qismində "Total E&P Azerbaijan" çıxış edəcək.

Qeyd edək ki, “Total” 2011-ci ilin sentyabrında ilk kəşfiyyat quyusunda aparılan qazma işlərinin nəticələrinə əsasən “Abşeron” yatağında böyük həcmdə hidrokarbon ehtiyatlarının (326 mlrd. kubmetr qaz və 108 mln. ton kondensat) olduğunu təsdiqləyib. “Abşeron” yatağının işlənməsi layihəsinin I mərhələsinə dənizin 450 metr dərinliyində bir quyunun qazılması daxildir. Qazma işlərində üzən yarımdalma qazma qurğusundan istifadə olunacaq. Bu mərhələ çərçivəsində platoda illik 1,3 mlrd. kubmetr, layihənin ikinci mərhələsində isə platoda illik 4 mlrd. kubmetr qaz hasilatı nəzərdə tutulur. Birinci mərhələ çərçivəsində hasil edilən qazın Azərbaycanın daxili bazarına yönəldiləcəyi nəzərdə tutulur.

Xatırladaq ki, “Abşeron” dəniz blokunun kəşfiyyatı, işlənməsi və hasilatın pay bölgüsünə dair saziş 2009-cu ildə imzalanıb. Hazırda layihənin iştirakçıları SOCAR (50%) və “Total” (50%) şirkətləridir.

Məqalədə:
Xəbər lenti

Xəbər lenti