ARDNŞ geofizika və geologiyanın inkişafının kompleks proqramını hazırlayacaq. Proqramın həyata keçirilməsinə, ilkin qiymətləndirməyə görə, təxminən $200-$250 mln. lazımdır. Bu barədə Trend ə ARDNŞ-in birinci vitse-prezidenti Xoşbəxt Yusifzadə bildirib.
Onun sözlərinə görə, bu proqram beş-on il üçün nəzərdə tutulub və mədən-kəşfiyyat geofizikasının dünya standartlarına çatdırılmasına yönəldilib ki, bu da ARDNŞ-ə Xəzər regionunda, eləcə də dünyanın digər regionlarında sərbəst araşdırmalar aparmasına imkan verəcək. Bundan başqa, bu, ARDNŞ-in Shlumberger kimi şirkətlərlə bağlı geofizika və geologiyanın idarə edilməsində rəqabət qabiliyyətinin gücləndirilməsinə gətirib çıxarcaq.
Hazırda ARDNŞ Xəzər dövlətləri arasında ixtisaslaşdırılmış geofiziki gəmilərin yeganə sahibidir. Amma gəmilərin avadanlığı artıq dünya standartlarına cavab vermir və yenidən təchizat tələb edir. "Bunun üçün də investisiyalar cəlb ediləcək"-deyə X. Yusifzadə qeyd edib.