Respublika Neft və Qaz Sənayesi İşçilərinin Həmkarlar İttifaqı Komitəsinin rəhbəri Cahangir Əliyevin Trend ə verdiyi məlumata əsasən, Səbail məhkəməsi iki işçinin işdən azad olunması faktı üzrə PCH Offshore şirkətinin xeyrinə qərar çıxarıb.
Onun sözlərinə görə, iddiaçılar Vüsal Cəfərov və Anar Bədəlovun əsas tələbi onların köhnə iş yerlərinə qaytarılması idi.
Komitə rəhbərinin dediklərinə görə, məhkəmə Cəfərov və Bədəlovun həmkarlar ittifaqları çərçivəsində fəaliyyəti ilə bağlı işdən azad olunması haqda dəlilləri qəbul etməyərək, əsas səbəb kimi tərəflər arasında bağlanmış müqavilə müddətinin başa çatmasını göstərib.
Məhkəmə işinin təşəbbüskarı bütün maliyyə xərclərini üzərinə götürmüş Respublika Neft və Qaz Sənayesi İşçilərinin Həmkarlar İttifaqı Komitəsidir.
