2006-cı ilin yanvar-iyun aylarında Azərbaycanın daxili bazarına təxminən 1,9 milyon ton neft məhsulu göndərilib. Trend in xəbər verdiyi kimi, bu barədə ölkənin Dövlət Statistika Komitəsindən bildiriblər.
Neft məhsullarının ümumi həcmindən 304,3 min ton avtomobil benzininin payına düşüb, bu isə 2005-ci ilin analoji dövrü ilə müqayisədə 12,9 % çoxdur. Azərbaycanın daxili bazarında A-92 markalı 1 ton avtomobil benzininin topdan satış qiyməti (təchizat xərcləri və ƏDV nəzərə almaqla) 432,30 AZN, A-96 markalı 1 ton avtomobil benzininin topdan satış qiyməti isə 484,70 AZN təşkil edib.
Dövlət Statistika Komitəsinin məlumatına görə, 2006-cı ilin yanvar-iyun aylarında Azərbaycanın Azpetrol şirkəti satış üçün 162,19 min ton, LUKoil şirkəti isə - 64,2 min ton avtomobil benzini alıb.
Yanvar-iyun aylarında daxili bazarda 328,9 min ton dizel yanacağı satılıb, bu isə 2005-ci ilin yanvar-iyun ayları ilə müqayisədə 9,1% azdır. Azərbaycanın daxili bazarında 1 ton dizel yanacağının topdan satış qiyməti (təchizat xərcləri və ƏDV nəzərə almaqla) 397,46 AZN təşkil edib. Dövlət Statistika Komitəsinin məlumatına görə, yanvar-iyun ayları ərzində Azpetrol şirkəti 128,9 min ton, LUKoil şirkəti - 38,4 min ton, Xəzər dəniz gəmiçiliyi isə -11,8 min ton dizel yanacağı alıb. Xəzər dəniz gəmiçiliyi həmçinin 32,3 min ton motor yanacağı və 0,9 min ton motor yağı da alıb.
Daxili bazarda ən çox yanacaq mazutu satılıb. Bu ilin yanvar-iyun aylarında bu neft məhsulundan 922,9 min ton satılıb, bu isə 2005-ci ilin yanvar-may aylarının göstəricisindən 27,5% azdır. Azərbaycanın daxili bazarında 1 ton M-40 mazutun topdan satış qiyməti (təchizat xərcləri və ƏDV nəzərə almaqla) 77,88 AZN təşkil edib. Dövlət Statistika Komitəsinin məlumatına görə, yanvar-iyun ayları ərzində Azpetrol SC 641,4 min ton, Heydər Əliyev adına NEZ isə - 233,3 min ton yanacaq mazutu alıb.
Yanvar-iyun aylarında 251,7 min ton aviasiya kerosini satılıb, bu isə 2005-ci ilin analoji dövrü ilə müqayisədə 9,5% azdır. Azərbaycanın daxili bazarında 1 ton aviasiya kerosininin topdan satış qiyməti (təchizat xərcləri və ƏDV nəzərə almaqla) 411,68 AZN təşkil edib. Dövlət Statistika Komitəsinin məlumatına görə, yanvar-iyun ayları ərzində Azal DK 228,7 min ton aviasiya kerosini alıb.
Bu dövrdə daxili bazarda 51 min ton neft bitumu satılıb, bu isə 2005-ci ilin yanvar-iyun ayları ilə müqayisədə 66,7% çoxdur. Azərbaycanın daxili bazarında 1 ton BN 60/90 bitumun topdan satış qiyməti (təchizat xərcləri və ƏDV nəzərə almaqla) 108,90 AZN təşkil edir.