Azərbaycan Dövlət Neft Şirkətinin Neft və Qaz Hasilatı üzrə "Azneft" İstehsalat Birliyi Siyəzən rayonunda yerləşən "Zeyvə-Zaqlı" yatağınadək yeni yolun inşasına dair qərar qəbul edib. Trend in xəbər verdiyi kimi, bu barədə "Azneft"İB-nin baş geoloqu Akif Nərimanov məlumat verib. Onun sözlərinə görə, bu, nəinki karbohidrogen ehtiyatların mənimsənilməsinə imkan yaradacaq, həm də həmin rayonun sosial vəziyyətini yaxşılaşdıracaq.
Yataqda artıq bir neçə quyu qazılıb. İlkin qiymətləndirmələrə görə, burada ehtiyatlar 3-3,5 mln. ton çıxarılan neft ehtiyatları həcmində qiymətləndirilir. Yataqda bir hasilat quyusu qazılıb ki, onun da debiti sutkada 14,5 tonn neft təşkil edir. Quyuların dərinliyi orta hesabla 2000 metrə yaxındır.
Dövlət Neft Şirkəti yataqda işləri fəallaşdırmaq qərarına gəlib. Əsasən, növbəli iş metodunun tətbiqi nəzərdə tutulub. Yataqda eyni zamanda üç-dörd quyu qazılacaq. Bunlar həm kəşfiyyat, həm də qiymətləndirmə quyuları olacaq.
A. Nərimanovun verdiyi məlumata görə, Azərbaycanda ən mürəkkəb kollektorlardan biri yataqda yerləşir ki, buradan da neftin 9-12%-ə qədəri çıxarılır. Hal-hazırda faydalı iş əmsalının artırılması məsələsinə baxılır. Buna isə daha mükəmməl iş metodları tətbiq etməklə nail olmaq olar.
