Azərbaycanın daxili bazarında qaz qıtlığı yox, qiymətlərdə disbalans mövcuddur. Trend in xəbərinə görə, bu barədə jurnalistlərə Azərbaycan Neft Şirkətinin prezidenti Rövnəq Abdullayev məlumat verib.
"Daxili tələbatı ödəməkdə H.Əliyev adına Neft Emalı Zavodunun problemi yoxdur. Daxili tələbat isə 10-11 min tondur, ötən ay zavod 16 min kub metr qaz istehsal edib. Son vaxtlar bəzi rayonlarda satılan maye qazın qiymətində müşahidə olunan artımla əlaqədar isə deyə bilərəm ki, bunu emalın azlığı ilə əlaqələndirmək düzgün deyil. Maye qazın qiyməti elə aşağı səviyyədədir ki, sürücülər dizeldən, benzindən imtina edib avtomobillərini maye qazla idarə etməyə üstünlük verirlər. Bu səbəbdən də bəzi problemlər ortaya çıxıb. Yaxın vaxtlarda bu məsələyə baxılacaq" - deyə R.Abdullayev bildirib.
