...

"Microsoft" Azərbaycanda lisenziyasız proqram təminatının yüksək dərəcədə olduğunu qeyd edir

Telekommunikasiya Materials 19 Mart 2008 15:54 (UTC +04:00)

Azərbaycan, Bakı, 19 mart/ Trend , müxbir S.Babayeva/ "Microsoft" korporasiyası Azərbaycan bazarında lisenziyasız proqram təminatının (PT) yüksək dərəcədə olduğunu göstərir. "Microsoft Azerbaijan"ın baş direktoru Teymur Axundovun çərşənbə günü bildirdiyi kimi, lisenziyasız PT-nin bazardakı xüsusi çəkisi 94 faizə çatır.

"Azərbaycanda pirat PT səviyyəsi çox yüksəkdir və bu çox vaxt ölkə üçün dünya ictimaiyyətində mənfi imic yaradır" - o bildirib.

Axundovun sözlərinə görə, "Microsoft"un vəzifəsi vəziyyətin yaxşı tərəfə dəyişdirilməsi üçün Azərbaycana yardım etmək və lisenziyalı PT-nin yayılmasına nail olmaqdır.

"Biz ümid edirik ki, vəziyyət yaxın gələcəkdə dəyişəcək" - korporasiyanın Azərbaycandakı rəhbəri hesab edir.

Azərbaycanın Rabitə və İnformasiya Texnologiyaları Nazirliyi bir qədər əvvəl lisenziyalı proqram təminatının alınmasına yardım üçün hökumətə müraciət edib.

"Microsoft" korporasiyası ilə nəzərdə tutulmuş əməkdaşlıq haqqında strateji saziş çərçivəsində onlar Azərbaycanın dövlət müəssisələrində lisenziyalı Microsoft PT-nin quraşdırılmasına dair öhdəlik götürür" - nazirlikdən bildiriblər.

Xəbər lenti

Xəbər lenti