Azərbaycanın Kibernetika İnstitutu proqnozlaşdırmanın monitorinq sisteminin dünya səviyyəsinə çıxarılması imkanlarını nəzərdən keçirir
Azərbaycan, Bakı, 17 iyul / Trend , müxbir H.Vəliyev /
"Azərbaycan Milli Elmlər Akademiyasının Kibernetika Universitetində UNESCO təşkilatının nümayəndələri ilə görüş keçirilib. Görüşün gedişində proqnozlaşdırmanın monitorinq sisteminin prezentasiyası keçirilib", - Trend -a institutun direktoru Telman Əliyev deyib.
Onun sözlərinə görə, UNESCO-nun diqqətini elmi işlərə cəlb etməkdə əsas məqsəd bu işlərin dünya səviyyəsinə çıxarılması imkanlarıdır.
Öz məruzəsində Əliyev bu sistemin hazırda tətbiq edildiyi sahələr haqqında danışıb və bir sıra nümunə gətirib. Qonaqlar monitorinq sisteminin tibb və sənaye obyektlərində tətbiqi layihəsi ilə tanış olublar. Belə ki, bu gün sistem tibb sahəsində test istismarından keçirilir və ürək-damar sistemində pozulmaları ortaya çıxarmaq imkanı verir.
Öz prezentasiyasında Əliyev texniki vəziyyətlə bağlı monitorinq sisteminin tikinti sahəsində tətbiqi layihəsi barədə danışıb. Bu sahədə monitorinqin tətbiqi gizli dövrdə yaranan çatışmazlıqların (qaz sızması, elektrikötürücü xətlərdə qısa qapanma və s.) yaranma səbəblərini öyrənmək imkanı verir.
Binalarda qurulmuş nəzarət sistemi informasiyanı lokal şəbəkə vasitəsilə monitorinqin mərkəzi sisteminə operativ şəkildə ötürür və bundan sonra onun texniki durumu analiz edilir. İnstitutun elmi işi bir neçə yaşayış və sənaye massivlərinin texniki durumunu kompleks analiz etmək imkanı verir.
"Paytaxtda seysmoaktiv və qrunt sularının yüksək səviyyədə olduğu zonalar vardır ki, bu da tikilən sənaye və yaşayış obyektlərinə mənfi təsir göstərir. Bu binaların texniki durumu eyni anda dəyişərsə, bu, anomaliyalar və seysmoaktivlik haqqında danışmağa imkan verir. Xüsusilə də sürüşmələrin olması ehtimalı haqqında", - Əliyev deyib.
Sistem qəza durumları barədə məlumatı vaxtlı-vaxtında ötürmək imkanına malikdir ki, bu da onların vaxtında aradan qaldırılmasına imkan verir.
Kibernetika İnstitutu bu sistemin regional səviyyədə tətbiq edilməsi imkanını da nəzərdən keçirir. Əliyevin sözlərinə görə, institutun elmi layihəsi Fövqəladə Hallar, Rabitə və İnformasiya Texnologiyaları və İqtisadi İnkişaf nazirlikləri tərəfindən qəbul edilib. Bu strukturlar şəhər monitorinq sisteminin tətbiqini səmərəli hesab edib.
Məqalə müəllifi ilə əlaqə ünvanı: [email protected]
