Azərbaycan, Bakı, 13 sentyabr /Trend, müxbir H.Vəliyev/
"Softprom" şirkətinin Azərbaycandakı nümayəndəliyi Google şirkətinin axtarış alətlərinin və proqram təminatının irəliləyişi ilə məşğul olacaq. Bu barədə Trend-ə bazar ertəsi "Softprom Azerbaijan" şirkətinin baş direktoru Vüqar Əliyev deyib.
Əliyevin sözlərinə görə, Azərbaycan bazarında Google-un qərar və xidmətlərinin irəliləyişi imzalanan sazişə əsasən həyata keçirilir. Sazişə əsasən "Softprom" "Google Apps"ın avtorizə edilmiş reselleri statusunu alıb.
"Softprom" şirkəti Azərbaycan bazarında effektiv informasiya mübadiləsi və sənədlərlə birgə işdə İT infrastrukturunun optimallaşdırılması imkanlarını və istənilən miqyaslı müəssisə üçün onun dəstəyinə xərclərin azaldılmasını təmin edən "Google Apps Premier Edition"ın onlayn-xidmətlər dəstini təklif etməyi planlaşdırır.
"Google Apps Premier Edition"ın onlayn-xidmətlər dəsti Gmail, Sənədlər, Saytlar, Təqvim, Qruplar və s. kimi məşhur məhsullarının genişləndirilməsi imkanına malikdir.
Google-un Gmail və Təqvim məhsulu müəssisə əməkdaşlarına əlavə proqram və aparat təminatında ehtiyacsız əlaqə saxlamağa imkan verir.
"Google Apps" dünyanın istənilən nöqtəsindən məlumatlara, o cümlədən IMAP və POP protokolları, eləcə də mobil qurğular üzrə daxil olmağa imkan verir.