Azərbaycan, Bakı, 18 fevral /Trend müxbir H.Vəliyev/
Kompüter avadanlıqları istehsalı üzrə KÜR zavodu Azərbaycan Rabitə və İnformasiya Texnologiyaları Nazirliyinə rəqəmsal televiziyanın dekoderlərinin güzəştli şərtlərlə satışı haqqında təklif təqdim edib. Bu barədə şənbə günü Trend-ə KÜR-dən bildiriblər.
Hazırda təklif nazirlikdə nəzərdən keçirilir, bu cihazların hansı şərtlərlə satılacağı qurumun yekun qərarından asılı olacaq.
Hazırda bu cihazların topdan satışı 35 manat təşkil edir.
Dekorderlər "Prestije" brendi altında kompüter və məişət texnikası mağazalarının pərakəndə satış şəbəkələrinə tədarük edilir.
Qeyd edək ki, dekoderlərin zavodun obyektlərində seriya istehsalının buraxılışı marta gözlənilir. İlkin olaraq dekoderlər satışa 30-40 manata çıxarılacaq.
